车车心水哈化抓分细顶多蒙特

车车心水哈化抓分细顶多蒙特

唔经唔觉，德甲已经嚟到第廿二轮比赛，依家榜首同榜尾竞争都好激烈，榜首多蒙特同排第四嘅史浩克04就相差五分；榜尾争得仲犀利，尾四嘅哈化柏林同包尾弗赖堡只系相差三分，真系一场波来回就已经可以再执过位。今晚“一哥”多蒙特作客尾四哈化柏林，两队都唔会轻易放手，捧入球细！
（有线61及201台周六晚10时30分直播）

蜜蜂兵团主将缺阵

哈化柏林歇冬后五场比赛输四场，总共失十球，其中五球系上场作客对史特加嗰阵硬食嘅，咁先至令人有个感觉佢哋防守唔掂。睇番呢五场之中，其实佢三场主场总共只系失咗三球，喺德国杯对联赛“三哥”慕逊加柏，九十分钟都顶得住冇失波！

虽然“蜜蜂兵团”多蒙特近期气势如虹，已经有连续十五场联赛保持不败，仲唔使踢欧联，只系需要专心联赛同德国杯，但佢哋上场主场对利华古逊，只可以仅仅小胜一球，加上马里奥葛斯要长抖，香川真司呢场亦因伤缺阵，单靠巴里奥斯、哥斯基奥斯等，影响咗入球嘅稳定性。

睇番往绩，哈化柏林近五次主场对多蒙特，“半场和”开过四次，所以我觉得呢场赛事“半场和”同入球细机会好大。