相关：
阿占心水“蜜蜂军团”大闹柏林
德甲今季争标形势激烈，喺歇冬后挞着晒嘅多蒙特气势强劲，被视为冠军热门，今晚作客对住啱啱换帅嘅哈化柏林，就算有马里奥葛斯同香川真司缺阵，都好难揿得住班着晒火嘅“蜜蜂军团”，1.75倍入球大非常吸引！（有线61、64、201、204周六晚10:30直播）
哈化柏林易帅
多蒙特歇冬后已经连赢4场联赛，虽然中场主力马里奥葛斯受伤要长抖两个月，加埋新伤嘅香川仔又唔出得，中场少咗两件主将，好彩箭头罗拔利云度夫斯基今季状态大勇，加上前线仲有巴里奥斯、哥斯基奥斯等等，多蒙特进攻火力依然唔讲得笑。
讲排名同状态，要为护级努力、啱啱喺安全线上排尾4嘅哈化柏林都唔可以同多蒙特相比！队波已经10场联赛未赢过，歇冬后踢咗4场联赛加埋仲失咗10球，结果教练史基比惨食无情鸡，今场改由看守教练查索领军，占仔当一班球员识咩叫“知耻近乎勇”，拚命博一铺，但对手系多蒙特，输少都当赢啦！
顶占笋盘：哈化柏林 入球大
