相关：
走肖心水银河舰队爆破“陆军”
欧联16强首回合又有好戏上演，莫斯科中央陆军今晚喺卢兹尼基球场对皇家马德里，偷鸡唔易。首先中央陆军嘅本田圭佑伤愈后根本未弗，战斗力大跌，其次系皇马教练莫连奴熟晒中央陆军路数，两年前曾经带领国际米兰“双杀”对方，就算系作客莫斯科要喺零下12度低温出战，皇马1.95倍“让球客胜”一样撑得过。（有线61、64、201及204、中央5台周三凌晨1:00直播）
本田圭佑缺态做后备
虽然日本新国宝本田圭佑，刚啱喺热身赛攻入去年11月受伤以来首个入球，证明伤势无咩大碍，但距离最佳状态仲差好远，就连必杀技无回转罚球都未必射得出，陆军个教练都话会放佢响后备席先。而且中央陆军有中场马马伊夫同右闸拿巴坚同样停赛，面对皇马仲要被迫变阵，试问点会有运行？
另一方面，皇马已经喺联赛放甩死对头巴塞隆拿，欧联可以专心搏杀，要知道皇马喺今届欧联分组赛6战全胜，攻入19球仅失2球。而且“银河舰队”近30场有27胜1和2负，W唔出嘅3场波对手全部系巴塞，即系话除咗“地上最强”，其他球队遇上皇马基本上输梗，即使今仗佢哋有上场复出就肌肉受伤嘅阿根廷翼锋迪马利亚无随军，仲要面对寒冷、大风嘅天气，但都无谓刻意敲冷吖！
皇马近30战27胜
再讲，莫连奴喺前届欧联8强，曾经带领国际米兰先后喺主客场以1:0打沉中央陆军，“寸王”喺赛前都话天气冻、人造草场都唔系问题，只要够强就乜都掂。仲有呀，最近西班牙有消息话，C朗要求皇马为佢加薪至年薪2,000万欧元，仲话假如唔答应，佢会考虑去曼城，近排C朗入波停不了，可能真系同扭计要加人工有关，撑佢要捧“让球客胜”啦！
横数千军
中央陆军寸王手下败将
史上5次对西班牙球会未输过，得3胜2和。
曾于10年被莫连奴率领嘅国米喺欧联8强淘汰。
皇马作客俄罗斯2连胜
今届分组赛6战全胜，为欧联史上第5支球队取得此佳绩
近2次作客俄罗斯球队全胜，累积得2胜3和4负。
欧联赛制：
采主客两回合淘汰制，今轮为16强首回合，若总比数相同，作客入球较多一队晋级，再和则于次回合后加时作赛。若加时入球数字相同，客队将凭作客入球优惠晋级，若加时无入球，则互射12码决胜
