相关：
亨格比利沙士菲当弗斩“瓜”切菜
听朝继续有自由杯玩，G组嘅沙士菲会喺主场恭候瓜达拉哈拉，客军个名就响嘞，但今季表现走晒样，据讲班球员仲懒懒闲唔尽力，似乎系想逼到主帅安比斯冇得捞先安乐，造访状态唔错嘅沙士菲唔似有运行，一于捧1.95倍“让主”。（开赛时间：周四早上9:00）
瓜达拉哈拉传兵变
瓜达拉哈拉今季联赛7战都未开斋，上仗同圣路易斯互交白卷后，唔少球迷起哄兼拉横额叫教练安比斯下台。据当地传媒《ESTO》爆料，大军寻日去到拉鲁斯个场操练嗰阵，个个都懒懒闲唔听指令，摆明想作反逼安比斯下台。
主队沙士菲开季表现唔错，近3场夹埋入8球，最紧要系中场指挥官大卫拉美利斯克服大腿伤患，今战可以候命，对住有灵魂人物安东尼奥加拿度倦勤嘅瓜达拉哈拉，大胜可期啦！
自由杯G组
