相关：爱华顿
山度士爱华顿踢场好波送别当路云
英格兰足总杯第5圈今晚开打，度士睇好爱华顿主场可战胜黑池打入8强，皆因今场系爱华顿借将当路云离队前最后一击，球队近况亦对办，估计佢哋可以赢两粒。（now 671周六晚11时直播）
当路云踢埋今场就重返美职，而呢位美国队长确系好嘢，返嚟爱华顿真系帮到手！其实佢上季亦曾以借用形式返嚟“拖肥糖”踢过两个月，仲曾经当选爱华顿最佳球员，今季食过翻寻味再度当选1月最佳球员，球队成绩亦甚为硬净。
睇番爱华顿近况，佢哋近七战仅输过一场，近三次主场全胜，包括击败曼城及车路士两支争标劲旅，依家佢哋排英超第十位，争联赛冇乜机会，所以更会全力踢好足总杯，今晚再度主场出击，值得睇好。
黑池留力争升班
黑池现时排喺英冠第四位，落后榜首韦斯咸同次席嘅修咸顿五分及四分，有机会升班，踢足总杯嘅肉紧程度肯定唔及联赛。佢哋喺足总杯上一圈首战同锡周三打和一比一，踢重赛先至赢三比○过关。再睇赛程，黑池下周中将会喺联赛主场迎战韦斯咸，呢场六分波对升班大业可谓举足轻重，今仗足总杯遇上实力同战意都好嘅爱华顿，黑池未必搏。
前香港足球先生，畀料同佢做人一样，百足咁多爪，对唔同联赛都有兴趣。教波同贴波，一样做阿哥
