相关：
走肖心水Fans丧嘘士气插水萨拉戈萨腹背受“迪”
萨拉戈萨今晚喺西甲主场对贝迪斯，平手都要唔过。最近萨拉戈萨死忠粉丝发起咗个丧嘘行动，目的系要赶扯麻烦会长伊格利西斯，每逢比赛踢到32分钟就会集体柴台，虽然咁做唔系针对球员，但肯定会影响军心，贝迪斯唔使让捧得过。（开赛时间：周二凌晨4:00）
今季萨拉戈萨球迷经常抗议，目的系为咗赶扯会长伊格利西斯，弊在佢面皮厚唔肯走，于是有萨拉戈萨球迷组织发起柴台计划，无论主场定作客，每逢比赛到32分钟就喝倒采，因为萨拉戈萨创会年份系1932年，佢哋希望伊格利西斯听到后自动消失。不过球迷可能估唔到，咁做连萨拉戈萨士气都插埋水，搞到上星期赢爱斯宾奴至终止到连续16场不胜走势。
贝迪斯火力唔曳
今场萨拉戈萨有后卫兰沙路停赛，想赢波添食更加难，特别系贝迪斯近2次作客萨拉戈萨都胜出，近10场又有5胜1和4负，期间赢过华伦西亚、马德里体育会同毕尔包，证明战斗力唔曳，即使中场艾恩尼坐波监，仲有射手鲁宾卡斯度同中锋辛达告鲁斯撑住，佢哋今季分别喺联赛有6球同5球进帐，对住输到近乎麻木嘅萨拉戈萨，当然会把握机会省多两粒
