当美职都识让路畀国际赛期嘅时候，南美洲区球会级比赛继续有波踢，今个周中就有两场重要嘅南球杯8强次回合上演，听朝就有巴甲嘅华斯高主场迎战秘鲁体育大学，主队有望收复番首回合落后0:2失地，贪赔率要2.88倍华斯高晋级。
当国际赛期有球会级比赛进行，就梗系要睇吓有冇国脚畀国家队征用，好彩巴西国家队今个月嘅非洲行，就一个巴甲球员都冇选到，等华斯高可以用最强阵容，收复首回合作客输0:2嘅失地。
秘鲁体育大学作客唔掂
睇番华斯高上一圈成绩，虽然16强首回合以1:3作客不敌玻利维亚球会奥罗拉，但次回合返到主场随即发力，最终更以8:3赢波收复失地，主场威力超强。今次对手秘鲁体育大学虽然冇奥罗拉咁曳，但近10次作客都只系赢得1场，系典型嘅南美作客虫，唔容易保住首回合领先优势。睇番赔率，华斯高“-1”都系得1.88倍，唔算好吸引，笔者觉得一系就博大啲，要2.88倍华斯高晋级仲好。首回合：华客负0:2
