仙台维加泰季初响日联系威系势，一度上过榜首，创咗个灾区奇迹，但系近个几月谢晒，好彩佢哋识知惊，除咗罗致新兵之外，班人亦重振士气，开始有复苏迹象，今日主场出战山形山神，1.65倍主W博得过。
对赛往绩食住山神
仙台近两场联赛开始反弹，先系打破名古屋鲸鱼个不败身，跟住作客逼和盘田，射手赤岭真吾、攻击中场菅井直树脚风顺番晒，而且佢哋喺十几日前，签咗日乙京都不死鸟个10号仔迪亚高苏沙，呢件打过彭美拉斯嘅巴西仔，虽然唔系乜嘢巨星，不过先后踢过神户、柏雷素尔、东京绿茵同不死鸟，对日本波好熟悉，根本唔存在适应问题，对仙台嘅中前场调动好有帮助，尤其佢嚟到所形成嘅位置竞争，对赤岭真吾仲系一种刺激添。
虽然仙台有后卫田村直也坐波监，防线稳定性差咗，角田诚、曹秉局只脚都唔多妥，但系佢哋主场对山形嘅往绩占晒上风，近6战就取得4胜1和1负，而且佢哋个仙台体育场系剧场式设计，看台上盖将啲声焗晒喺个场里面，令到拥趸嘅欢呼呐喊特别响，普通球队去到都会震震哋，赢面自然大啲，你睇足智彩开佢哋个W咁热就知啦。
仙台维加泰 Vs 山形山神
博彩公司 主胜 和 客胜
足智彩 1.65倍 3.45倍 4.40倍
Bet 365 1.73倍 3.50倍 4.33倍
Interwetten 1.80倍 3.20倍 3.70倍
Ladbrokes 1.62倍 3.50倍 4.50倍
Victor Chandler 1.80倍 3.40倍 4.50倍
William Hill 1.73倍 3.40倍 4.50倍
平均赔率 1.74倍 3.32倍 4.25倍
