正所謂寧捧當頭起！FC多倫多近排雙線發展表現照樣keep得住，新簽射手高化文斯仲明顯超晒班，聽朝喺美職作客淨係一味識和波嘅芝加哥火燄，朱楓撐硬2.15倍「讓球客勝」！（now633及660台周一早上7:00直播）
射手高化文斯超晒班
芝加哥火燄今季表現差到爆，本來5月尾已經換帥，改由高柏斯擔任看守教練，點知表現都冇好轉，上任後都只係幫火燄喺聯賽贏過1場咁大把，反而不停和波攞1分，上場主場被華盛頓聯隊摸和之後，更以15場和波創出美職史上一季最多和波紀錄。其實火燄早排曾經傳出想簽美國國腳前鋒艾迪莊臣，點知傳傳吓又冇咗回事，睇嚟仲有排衰。
對家FC多倫多就唔同喇，近排雖然要兼顧中北美洲冠軍盃，不過日前喺呢項盃賽作客以2:1擊敗巴拿馬球隊陶羅後，連同美職已經6場不敗。其實呢支加拿大球隊本身人腳唔曳，特別係新加盟嘅荷蘭前鋒高化文斯，近4場美職勁入3球，明顯超晒班，聽朝絕對有力撲滅火燄！更多赛事信息
