今晚繼續有德乙聯賽，新升班嘅羅斯托克主場對柏達邦，羅斯托克屬於東德地區名牌球隊，但前季大意降落德丙，幸好只係闊別一季後就重返德乙，會方今季不敢怠慢，大事增兵，以免重蹈覆轍，鬥心十足可望旗開得勝。（周日晚9時30分開賽）
大事增兵可破柏達邦
羅斯托克季前簽下紐倫堡中場文度，呢位斯洛伐克名將曾於德甲打滾多年，實力毋須懷疑，佢嘅經驗可以提升球隊進攻能力。另外，羅斯托克亦簽咗雲達不來梅中場柏夫爾，加上一眾升班功臣，足以喺德乙立足，應可擊敗質素平庸嘅柏達邦。
撐邵佳一嘅杜伊斯堡
此外，布倫瑞克主場對1860慕尼黑，布軍屬於上季德丙盟主，以攻力強勁見稱，新升上德乙，士氣特別高，應會同對手搏槌，捧入球大。至於卡爾斯魯厄主場對杜伊斯堡，杜軍簽咗中國國腳邵佳一，有助提升中場組織力，球隊近期熱身賽表現佳，平手盤捧杜伊斯堡。
