亞洲盃於卡塔爾舉行，雲集區內精英球隊，賽事水平及競爭性都好高，今屆日本同南韓等勁旅都強陣出擊，相信會引起唔少球迷注意，而且賽事有直播，預期投注氣氛唔差。今日名氣球隊日本登場，但讓得太多，暫時只宜觀望。
講番今晚推介，意甲賽事巴里主場對博洛尼亞，捧主隊！兩隊同樣位列下游，水準麻麻，巴里呢班波曾幾何時係大戶愛隊，受讓經常有佳作，冇理由淪落到包艇，以現時情況睇，大軍仲有上升空間，上場作客同級球隊萊切贏完，食住個勢返主場出擊，有力再贏多場。(周日晚10時開賽)
奧沙辛拿落飛要留意
跟住睇場西甲，奧沙辛拿主場對基達菲，又係要主隊！講近況奧沙辛拿只係一般，今次對住基達菲失驚無神有飛到，似乎並非普羅球迷所為，信飛嘅朋友可留意上盤。另外，愛隊馬略卡上場於盃賽慘敗，但佢哋喺主場出擊幾時都要留意，艾美利亞好曳，作客無力搶分，呢場捧馬略卡！
同日曼城喺英足盃作客李斯特城，曼城老細大灑金錢志在攞威，聯賽同盃賽都爭，球隊後備力量勁，就算出副選一樣夠殺，作客讓波照捧！
肥叔心水
利物浦 下盤
巴里 上盤
基爾禾 上盤
曼城 上盤
馬略卡 上盤
奧沙辛拿 上盤
維拉利爾 下盤
華倫西亞 上盤
