中国动力如意算盘

中国动力如意算盘

中国动力如意算盘

今晚快活谷夜战，我顶爷睇中隻半冷马，如果真係走入三甲，派彩都应该几好分，呢隻就係第二场嘅「如意算盘」嘞！无疑，呢隻马质素相当有限，得嗰13分係全港最渣几隻马之一，但高伯新仲未扫走佢，或多或少係想证明隻马未致到废成咁，而高生都唔係第一次救呢类淘汰马啦，「恭喜发财」咪一样係喺极低分下赢马囉！呢场早飞大热门竟然係跑咗10几次都未赢过嘅「京城精英」，即係话对手实力都一样不外如是，孭轻磅嘅「如意算盘」有10倍开外，今晚搏懞跑出嚟，有乜出奇喎！

若嫌「如意算盘」太低分信唔过，大家不妨谂吓第七场隻「中国动力」吖！呢隻马前速快兼排内档，只要出闸顺利，一定可以贴栏放头，三甲点都会喺度！何况，呢隻马5岁熟到透先嚟香港，里程唔会太远，幕后应该趁隻马当弗，一定用到尽冇保留，放心买啦！

至于波方面，今日下昼无端端又有场澳职开打，由包尾嘅黄金海岸联斗「一哥」中岸水手。我顶爷季初已经话黄金联冇粉丝支持，老闆又唔肯科水，睇死佢哋成绩一定差，事实证明顶爷冇点大家啦！今日佢哋遇着「一哥」水手，冇运行就梗喇，问题係水手个客W得五折冇乜肉食，狼死啲，大家可以跟我顶爷咁，直头博水手半场W，有2.1倍呀！（周三1，香港时间周三5:00pm开赛）